Belgeyi tam boy görebilmek için lütfen üzerine tıklayınız

Makam-ı Ulya-yı Kai'mmakâmı Hazreti Sadâretpenâhiye

Ma'ruzât-ı çâker kemîneleridirki,

Adana eyâletinde Bozok Afşar ‘aşîretinin Konya ve Adana ve Maraş ve Yuzgad ve havâlisinde meskûn olan ve ebnâ-yi sebîl haklarında ötedenberu vuku'a gelen ta'aaddi ve hasarlarından dolayı te'diiyât-ı lazimeleriyle beraber kendülerinin iskân-ı daimileri suretinin istihsaline bakılması zımnında tastîr buyurulan emirname-i samimeye cevâben Yozgad meclisinin takdim-i ... dâver-i a'zîmeleri kılınan mazbatası mealinde ‘aşîret-i merkûme eşkıyâsının kura ve kazâbân ahâlisi ve ebnâ-yı sebîl haklarında mütecâsir oldukları ta'addi ve hâsar gittikce tezâyüd itmekde olub husûsiyle bu defa ol havâliyeye iskân itdirilmiş olan muhacirîn hakkında bir tâkım fenâlıkları vuku'a gelmiş olduğundan bu halleri men' ve ıslahı ve ‘aşâyir-i merkûmenin emvâl ve bakâret zimmetleri olan onikiyük guruşun tahsiliyle kur'a bakâyası olan neferâtın altmış kuvve-i ‘askeriye iraesine mütevaffık idüğü inhâ olunmuş isede oralarca sair bir tâkım ‘aşâyirin yer merkum aşayirin iskânları esnâsında şimdiki mevcudu kadar ‘asker-i şahâne yoğiken tutulan usûl ve tedâbîr ile matlûb hâsıl olmasına nazaran şimdi sevk-ı ‘asâkir dercesine gidilmeyerek ileride çare-i küllisine bakılmak üzre şimdilik mahallerince tedâbir-i mukteziye ve teşvikât-ı mü'essire icrâsıyla ca-yı mütehassıslarının Ankara ve Adana ve Maraş mutasarrıfları sa'adetlü pâşâlar ile bi'lmuhâbere aşâyir-i merkûmenin men'-i mazarratları ve üzerlerinde bulunan meblâğ-ı mîriye ve kur'a neferâtı bekâyâsının hâkimâne istihsâli ve keyfiyetin mutasarrıf-ı müma-ileyhim taraflarına bildirildiği buna mefhâretince fark ta'zîm ve ebcâl olan emirnâme-i sâmi-yi daver-i a'zîmelerinde emr ve fermân buyurulmuş ve bu bâbda malumat-ı mevk'ıye ile suret-i hasenesi mutasarrıf müma-ileyhime iş'âr olunarak alınak cevâblara göre buraca dahi iktiza-yı hallerin icrâsına kıyâm olunacağı derkâr bulunmuş idüğü malum-ı mu'âlimînlerden hadd-i bu a'zîmeleri buyuruldukda ol bâbda ve her halde emr ve fermân hazret min leh ala mezkûr.

Fî 17 rebiyyü'l-evvel sene 1277

Transkript: Yrd .Doç. This email address is being protected from spambots. You need JavaScript enabled to view it.

Avşarların iskanına ait Başbakanlık Osmanlı Arşivlerinden elde edilen arşiv belgelerinin özetlerine ulaşmak için lütfen BURAYA tıklayınız.

Avşar Aşiretinin İskanına Dair -2